Deskrivadenn
E CM2 emañ Elena. Ur plac’h evel ar re all eo, e vreur bihan avat a zo disheñvel : ne oar ober netra eunan, atav e ranker ober war e dro ; un emzalc’h iskis en deus ha ne oar ket komz ; evel pa vefe krog ur c’hleñved dizanav ennañ… E gwirionez eo aotek Malo. Displegañ a ra ar c’hoar vras-se d’al lennerien penaos eo bet cheñchet he buhez, ha buhez he familh, adal an deiz m’eo bet ganet he breur bihan.
E Naoned eo ganet Olier BIGUET, e 1977. Dibabet en deus da ren e vuhez e brezhoneg : labourat a ra evel skolaer en ur skol Diwan, e vugale dezhañ en deus desavet penn-da-benn e brezhoneg. Plijet eo gant an treiñ e brezhoneg : sikouret en deus Keit Vimp Bev evit reizhañ pe ober troidigezhioù – daou levr troet gantañ a zo bet embannet. Ha pelloc’h eo aet zoken o skrivañ levrioù evit ar re yaouank !
2012, dastumad Priz ar Yaouankiz, 42 p., ment 110×180 mm
Alioù
N'ez eus ket a ali evit poent.