Deskrivadenn
Etre gwirionez ha faltazi, etre hun ha dihun, etre daou hent da zibab, etre an eürusted hag an anken, met atav ar spered troet war-zu… ar frankiz. Setu amañ pevar skrid berr hag a ya d’ober ul levr stank ennañ merkoù an amzer dremenet, an darempredoù etre an dud, ar blijadur da vezañ asambles.
Ganet eo Mai EWEN e Skaer (29). Goude bezañ labouret evit an Deskadurezh Stad hag e-giz koñversatez emañ-hi war he leve bremañ. Divyezhek a-vihanik eo, met kroget e oa da zeskiñ brezhoneg skrivet e 73-74. Un nebeud bloavezhioù diwezhatoc’h e skrive he danevelloù ha barzhonegoù kentañ. Adalek 1986 he deus embannet 3 levr gant Emgleo Breiz ha goude un troc’h hir a-walc’h (tost dek vloaz) he deus kroget da embann levrioù en-dro, e-ti Keit Vimp Bev (Priz ar Vugale ha Priz ar Yaouankiz).
2013, dastumad Priz ar Yaouankiz, 60 p., ment 110×180 mm
Alioù
N'ez eus ket a ali evit poent.